10 de febreiro de 2015

Torneo de Entroido e mais

O mes de febreiro será especialmente lúdico nas actividades de xadrez da Asociación Galega de Xadrecistas.
 
Por un lado o pasapezas, popular modalidade na que se xoga por parellas, será o protagonista coa celebración dun torneo no calendario anual dos Xogos Escolares da Coruña. Reservado para xogadores coruñeses de primaria terá lugar no Palacio de Deportes os venres 13, 20 e 27.
 
Tamén haberá un torneo absoluto deste mesmo xogo durante o entroido, se ben a proba mais salientable será o Torneo de Entroido sub14 que se disputará o luns 16 no Sporting Club Casino e onde os participantes son invitados a vir disfrazados.
 

O Torneo empezará ás 17,00 horas e a entrega de premios está prevista para as 19,30.

Anímate!

Ningún comentario: