22 de xaneiro de 2021

QUE FACER ESTE FINDE?

Un finde mais con restriccións e van...

Dende AGAX e resto de entidades os propoñemos tres accións este fin de semana.


VENRES ÁS 21,30

Torneo do Circuito de Inverno de INCUDE.

www.xadrezuniversitario.org


SÁBADO ÁS 16,00

Só para os nados en 2009 ou seguintes.

A Liga Sub 12 ás 16,00

https://xogandocoxadrez.blogspot.com/2021/01/liga-agax-online-sub12.html

Torneo do sábado: https://lichess.org/tournament/tpMT7ZdL

DOMINGO ÁS 17,00

O primeiro torneo do novo Club CC Los Rosales. Domingos de Xadrez Online

http://deportivoautentico.blogspot.com/2021/01/domingos-de-xadrez-online.html


21 de xaneiro de 2021

LIGA AGAX ONLINE SUB12

Tras a boa acollida da realizada nos últimos meses de 2020 imos celebrar a LIGA AGAX ONLINE SUB12.

A idea é facer tres ligas neste 2021, no primeiro, segundo e cuarto trimestre.

Os encontros xogaranse en Lichess e contarán os tres mellores resultados de cada equipo.

Imos empezar coa Liga de Inverno, dacordo coas seguintes bases:

LIGA AGAX ONLINE SUB 12 
(NADOS EN 2009 OU SEGUINTES)

SABADOS DE 16,00 A 17,00 EN LICHESS.ORG
Torneos sistema area, de partidas a 5 minutos sen bereker e sen puntos extras por vitorias consecutivas.

Se quees xogar na Liga por equipos Sub 12:

1. Crea unha conta en Lichess.org (se xa a tes creada continua cos puntos 2 e 3) 

2. Escolle o equipo ao que pertenzas e comproba que xa estás inscrito como xogador. Se non terás que pedir ingreso... e atento a resolver o mate en unha xogada que te pedirá para enviar a solicitude.
Se non estás nalgún dos anteriores equipos pero queres participar escríbenos a correo@agax.org.

3. Unha vez inscrito, cada sábado con partida terás que anotarte e escoller o teu equipo (para iso tes que estar xa dentro do mesmo).

Sábado 30/01/2021.
Sábado 06/02/2021.
Sábado 20/02/2021.
Sábado 27/02/2021.
Sábado 06/03/2021.
Sábado 13/03/2021.
Sábado 20/03/2021.

4. Trofeos. Despois das oito xornadas da Liga teremos unha clasificación de circuito (realizada ao xeito tradicional de AGAX contando os cinco primeiros) tanto para equipos como por xogadores individuais.
Os tres primeiros de cada dunha desas categorías recibirán un trofeo.


2 de xaneiro de 2021

Resultados Torneo Aninovo

RoiandRoll (Rodrigo Pena) foi o vencedor do XXVI Torneo de Aninovo.

Logrou os cinco puntos posibles. Cun punto menos quedou JoinFreeEasy (Roberto Serrano) e na terceira possición houbo un triple empate entre franpedre (Fran Pedreira) Slyfer94 (Héctor Rodríguez) e Jajaquemate (David Pérez)

 

31 de decembro de 2020

TORNEO ANINOVO

Un torneo atípico que empezou a disputarse en 1995 ainda que con moitas variantes. Agora un torneo tranquilo para esta Noitevella.

TORNEO DE ANINOVO
Plataforma chess.com
5 roldas a 5 minutos.
Trofeo para o mellor clasificado

30 de decembro de 2020

ASALTO ONLINE

Este ano non foi posible a celebración da moi recomendable actividade Asalto ao Castelo de Vimianzo, pero INCUDE xa tíña feitos os trofeos para as actividades que realizan con eles... Torneo de Xadrez e as Xornadas Lúdicas.
Entón decidiron aproveitalos para este día 30 de decembro.
Como?
Pois estas son as actividades nas que te invitamos a participar; a Xornada Lúdica do Asalto, unha tarde con cousas diversas, na modalidade online:

Como para algunhas das probas hai ligazóns que se crearán no momento, aconsellamos entrar neste grupo de whatsapp onde informaremos dos mesmos. https://chat.whatsapp.com/BmveupMXM72JZVBdpBsWE9

16,00 horas
PRIMEIRA ACTIVIDADE - TORNEO DE DAMAS
Na plataforma lidraughts (similar a lichess de xadrez).
Modalidade damas brasileiras (as normas na propia web). Partidas a 5 minutos. Ssistema Arena.

17,00 horas
SEGUNDA ACTIVIDADE - TORNEO DE TRIVIAL
En trivial online.es
Anunciaremos a ligazón no grupo de whatsapp

18,00 horas
TERCEIRA ACTIVIDADE - III TORNEO DE XADREZ ASALTO AO CASTELO
Na plataforma chess.com ás 18,00 horas. Partidas a 5 minutos. Suizo a 5 roldas.

19,00 horas
CUARTA ACTIVIDADE - TORNEO DE CLASH ROYALE
Unha das actividades que facemos habitualmente.
Poremos a ligazón no grupo de whatsapp

PREMIOS:
Terán trofeo o mellor no torneo de xadrez e o mellor da Xornada Lúdica.
O mellor da Xornada Lúdica será quen sume mais puntos nun máximo de tres das catro actividades anunciadas. En cada proba darase 5 puntos ao primeiro, 4 ao segundo, 3 ao terceiro, 2 ao cuarto e 1 ao quinto.
Ademais os cinco primeiros no torneo de xadrez recibirán unha camisola da Asociación Galega de Xadrecistas (que terán para recollela ata o 31 de marzo de 2021).
Tamén sortearanse cinco camisolas de INCUDE entre todos os participantes das xornadas (que terán para recollela ata o 31 de marzo de 2021).
E por último para os participantes da Coruña (ou que se despracen) entregaremos 10 vales de pizza a empregar na noite do 30 ou no día 31.


29 de decembro de 2020

ANIVERSARIO DO CIDU

ANIVERSARIO DO CIDU
Seguimos coas actividades de remate deste 2020. A actividade ten a condición de adestramento / partidas amigables federadas, polo que é obrigatorio contar coa licenza federativa de 2020.

ASPECTOS ESPECIAIS POLA COVID
Será de aplicación a normativa de prevención antiCOVID de adestramentos da Federación Galega de Xadrez. As seguintes normas tamén serán de aplicación en tanto complementan algunhas das anteriores e non as limitan. 
1. É obrigatorio levar posta unha máscara en todo momento. Non estará permitido comer ou beber na sala de xogo. 
2. É obrigatorio o uso do xel na entrada da sala. Así mesmo deberá usarse sempre que as mans entren en contacto con superficies non desinfectadas e especialmente tras tocar as pezas manipuladas anteriormente polo rival (no caso das capturas). Polo tanto cada xogador debe levar un frasco de xel.
3. Será obrigatorio o uso da alfombra desinfectante colocada á entrada sa Sala de Xogo.
4. Os xogadores non permanecerán na sala de xogo mais tempo do necesario para xogar a partida. Polo tanto non haberá análise posterior. Tampouco poderán pasear pola sala.
5. Os xogadores non deberán darse a man ao inicio ou fin da partida. 
6. Antes de entrar na sala medirase a temperatura dos participantes.
7. Os aspectos aqui expostos poden verse complementados, antes e durante o torneo co fin de garantir na medida do posible unha actividade segura.

1. Participantes.
Poderán participar nesta proba os xadrecistas que o desexen. Só haberá 16 prazas,  que deberán contar con licenza federativa. 
2. Modalidade.
Xogaranse cinco partidas en sistema suizo.
3. Ritmo de xogo.
Haberá 15 minutos de tempo por xogador. 
4. Lugar. 
Centro Comercial Los Rosales
5. Horario.
1ª Rolda:
17,30 / 2ª Rolda: 18,00 / 3ª Rolda: 18,30 / 4ª Rolda: 19,00 / 5ª Rolda: 19,30 
Dentro da sala de xogo hai dous espazos diferenciados que alternaranse para facilitar a desinfeción do material de xogo.
6. Premios.
Trofeo para os tres primeiros clasificados.
Todos os anotados recibirán un pequeno bote de xel.
Tamén recibirán un vale para unha pizza a empregar os días 29, 30 ou 31 de decembro no Pizza Movil de Manuel Murguía.
7. Inscricións.
A inscrición é de 3 euros.
Prégase traer a cantidade exacta.
Como en anos pasados solicitamos unha doazón de alimentos non perecedeiros.
(en anos anteriores ó destinatario foi o Banco de Alimentos https://www.facebook.com/balrial/posts/1522154844589289)

A ligazón de inscrición atópase mais abaixo.

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - 

Advertencia 1: Os participantes (ou os seus titores) autorizan a publicación dos seus datos persoais nos diferentes medios que a organización considere oportunos para a necesaria difusión do evento (resultados, clasificacións, participantes... etc.) así como a súa aparición nas fotos realizadas cos mesmos propósitos.
Advertencia 2: Os participantes recibirán un correo confirmando a inscrición co documento de aceptación de risco dacordo cos protocolos anti-COVID presentes na páxina da Federación Galega de Xadrez.

PREME PARA ANOTARSE